GARAI GOGORRAK
Garai ezberdin baten aurrean gaude, gure gizartea Pandemia baten aurrean dago eta haurrak egoeraren berri izateko eskubidea dute. Hortaz, nola azalduko diegu Koronabirusaren egoera zail hau? Nola landuko dugu? Nola jarraituko dugu bizitza ahal den neurrian normaltasunean eramaten?
- Haurrei Koronabirusa zer den azaldu behar diegu.
Horretarako hainbat pauta gomendatzen ditugu:
Lasaitasuna mantendu: haurrek segurtasuna behar dute.
Bere beharrei, zalantzei, beldurrei eta jakinminei erantzun.
Bere ulermen gaitasunera egokitu.
Errealistak izan eta egia esan.
Beharrezkoak ez diren ezaugarriak ekidin.
Garrantzitsua da aiton-amonak eta gaixoak zaintzeko neurriak hartzean direla azaltzea.
Higiene- eta garbitasun-hezkuntzari garrantzia eman: eskuak garbitu, muxurik ez eman...
Informazio gehiegikeria saihestu.
Informazio-iturrien aurrean bakarrik ez utzi, iritzi kritikoz ikusten lagundu.
Heriotzari beldurra agertzen badute, lehenengo hiru puntuei erreparatu.
- Higienearen garrantziaz ohartarazteko ondorengo bideoan ikusten den bezalako esperimentu baten bidez azaldu:
- Errutinak jarraitzen saiatu.
Horretarako, eskolarekin harremanetan jarraitu eta bertako irakasleak bidalitako lanak egiten jarraitu.
Smartick bezalako plataformak doan online saioak eskaintzen ari dira. Horrela, eskolara joan gabe gelditu diren haurrek matematika online lantzeko aukera izango dute.
- Kirola egin
Ongizate Psikologikoaz gain, fisikoa ere zaindu behar dugu bai haurrekin eta baita gurekin ere.
Horregatik, etxean kirola egitea gomendatzen da. Kirola jolas moduan planteatu dezakgu edo helduek dituzten errutinetara moldatu.
- Lagunekin eta familiarekin harremanak mantendu
Izaki sozialak garen bezala haurrentzat ere oso garrantzitsua da bere inguruko pertsonekin harremanak ez galtzea. Horregatik, gure laguntzaz skype bidez edo beste plataforma batzuen bidez kontaktuak mantentzea oso garrantzitsua da.